നഗ്നതയൂറ്റിക്കിടന്ന
വെളുത്ത മെത്തവിരിയിലെ
ചുവന്ന സുഷിരത്തില് നിന്ന്
മുളച്ചു പൊന്തുമ്പോഴും
ഞാന് നിവര്ന്നു തന്നെയിരുന്നു.
എന്നിലൂടെ
ഊര്ന്നും,
വളഞ്ഞും,
ഇഴുകിയും,
പൊടിച്ചു കയറി
പൂക്കളാലെന്നെ മൂടി
വഴക്കത്തോടെ കിടക്കയിലേക്ക് ചരിച്ച്
ഉയിരിന്റെ വേരടര്ത്തുമ്പോ,
ഞാന് പെറ്റ
പൂമ്പാറ്റകള്
ഒറ്റവരയ്ക്ക് ചിറകു വച്ചപോലെ
നീലപ്പരപ്പിലേക്ക്
നിവര്ന്ന നോട്ടങ്ങളുമായി
പറന്നു പൊങ്ങി.
